Şirkətimiz daim peşəkar mütəxəssis axtarışındadır. Əgər siz də bizim sıralarımıza qoşulmaq istəyirsinizsə öz CV-nizi hr@azertexnolayn.com email ünvanına göndərə bilərsiniz. Bütün müraciətlər İşə Qəbul şöbəsi tərəfindən incələnir və vakansiyalara uyğun namizədlərlə əlaqə yaradılır.
Daxil olan işə qəbul müraciətləri, alternativ axtarış kanalları vasitəsilə (sosial şəbəkələr, internet saytları və sair) vakansiyanın tələblərinə uyğun namizədlər axtarılır, telefon əlaqəsi saxlanılır və iş görüşməsi üçün münasib vaxt təyin edilir
Bu mərhələdə namizədlərlə ilkin müsahibə təşkil edilir. Ehtiyac olduğu təqdirdə vakansiyanın tələblərini qarşılayan namizədlərin məntiqi-riyazi bilikləri, komputer bacarığı, ixtisas biliyi, dil biliyi yoxlanılır;
İlkin qiymətləndirmə mərhələsindən uğurla keçən namizədlərin struktur rəhbəri ilə görüşü təşkil edilir. Struktur rəhbəri namizədin texniki bilik-bacarıqlarını və işin icrasında lazım olan digər meyarlara cavab verməsini müəyyənləşdirir. Uyğun görülən namizədin referans araşdırması aparılır;
İşə götürülməsi qərarlaşdırılan namizədlərə iş təklifi edilir. İşçiyə işə başlama tarixi, əmək haqqı və şirkət tərəfindən təqdim olunan mənfəət və faydalar haqqında məlumat verilir. Qarşılıqlı razılıq əsasında əmək müqaviləsi bağlanılır.
Müəssisəmiz şübhəsiz ki, İnsan Resurslarının ən önəmli və vacib resurs olduğunu anlayır, müasir tәlәblәrә cavab verәn kadr potensialının yaradılması vә onun effektiv idarә olunması istiqamətində mütəmadi olaraq addımlar atmağa səy göstərir.
Şirkətimizin əsas insan resursları hədəfləri ölkəmizin sənayesində qabaqcıl mövqe tutaraq inkişaf gücünü artırmaq, müştəri məmnuniyyətinə əsaslanaraq keyfiyyətli məhsul istehsal etməkdir. Kadrların peşəkarlıq səviyyəsinin yüksəldilməsi, işçilərin öz inkişaflarını və təkmilləşmələrini təmin etmək üçün şəraitin yaradılması, əməkdaşlarımız arasında sıx əlaqə quraraq bacarıqlı bir komanda olmaq əsas hədəflərimizdəndir.
"Azertexnolayn" MMC İnsan Resurslarının təmin edilməsi, inkişaf etdirilməsi, onların motivasiya edilməsi, mükafatlandırılması, şirkətə bağlılığının artırılması istiqamətində mütəmadi olaraq addımlar atmaqdadır.